Prentisiaeth Uwch Lefel 4 mewn Ymarfer Cyfieithu
Prentisiaeth Uwch Lefel 4 mewn Ymarfer Cyfieithu
Nod y fframwaith hwn yw ateb anghenion sgiliau cyflogwyr o bob maint ar draws y sectorau cyhoeddus, preifat a nid-er-elw yng Nghymru.
Mae Prentisiaeth Lefel 4 mewn Cyfieithu a Chyfieithu ar y Pryd yn cynnwys dau lwybr ar wahân er mwyn rhoi cyfle i ddysgwyr ddatblygu eu harferion fel cyfieithydd neu gyfieithydd ar y pryd. Bydd hyn yn cynorthwyo dysgwyr i fynd ymlaen i yrfa yn y ddisgyblaeth o’u dewis a symud ymlaen i gymwysterau a fydd yn rhoi modd iddynt ennill statws proffesiynol. Ar hyn o bryd, yng Ngholeg Gŵyr Abertawe, rydym yn cynnig llwybr Ymarfer Cyfieithu wedi’i ariannu’n llawn* i’r rhai sy’n byw ac yn gweithio yng Nghymru.
Sylwch: Dyluniwyd y Brentisiaeth ar gyfer y rhai sydd mewn rolau Cyfieithydd; rhaid bod ymgeiswyr yn meddu ar sgiliau iaith cadarn yn yr iaith ffynhonnell a’r iaith darged (h.y. Cymraeg a Saesneg). Hefyd, bydd gan yr ymgeiswyr brofiad o weithgareddau seiliedig ar gyfieithu. Mae’r brentisiaeth yn ddelfrydol ar gyfer y rhai sy’n dymuno ceisio cydnabyddiaeth am y sgiliau hyn
Bydd angen i ni gwrdd â’r cyflogwr cyn dechrau’r cwrs er mwyn trafod y cwrs ac i gadarnhau bod lefel a chynnwys y cwrs yn addas ar gyfer staff. Byddwn hefyd yn gwirio bod gan y dysgwr y gallu i ddangos cymhwysedd o ran arferion gwaith yn ei rôl bresennol, ac yn bwysicach, bod ganddo’r sgiliau ieithyddol angenrheidiol a eglurir uchod (yn ddelfrydol, o leiaf Safon Uwch neu’r cyfwerth mewn Cymraeg ac o leiaf Lefel ‘O’ neu’r cyfwerth mewn Saesneg).
Mae’r Fframwaith Prentisiaeth Uwch Lefel 4 yn cynnwys y cymwysterau canlynol:
1. Tystysgrif Lefel 4 mewn Ymarfer Cyfieithu (FfCCh/NVQ) Agored Cymru - 601/5761/6
Unedau gorfodol FfCCh / NVQ:
• Moeseg ym maes cyfieithu a chyfieithu ar y pryd
• Egwyddorion defnyddio ac amrywio iaith
• Datblygu a chynnal sgiliau cyfieithu
• Rheoli comisiynau cyfieithu
• Cyfieithu testunau ysgrifenedig
• Gwella’ch perfformiad eich hun fel cyfieithydd
Addysgir y cwrs drwy ddysgu cyfunol gan diwtor / aseswr cymwysedig. Mae’r addysgu ar gael drwy ymweliadau wyneb yn wyneb â’r gweithle ac / o bell i unigolion / grwpiau. Gallwn drafod dulliau addysgu penodol a chytuno arnynt gyda chyflogwyr cyn dechrau’r cwrs.
2. Sgiliau Hanfodol (Cymru) City and Guilds –
Lefel 2 mewn Cyfathrebu, Cymhwyso Rhif a Llythrennedd Digidol
(D.S. – Gallai procsïau fod yn berthnasol i’r rhai sy’n dal ac yn cyflwyno tystysgrifau Saesneg / Cymraeg a Mathemateg).
Addysgir dosbarthiadau gan Diwtoriaid Sgiliau Hanfodol profiadol ac ymroddedig.
3. Gweithlyfr Hawliau a Chyfrifoldebau Cyflogaeth
Teitl(au) / Rôl(au) arferol: Cyfieithydd Iau neu Gyfieithydd
Mae dyletswyddau’n cynnwys: cyfieithu dogfennau ysgrifenedig o’r naill iaith i’r llall yn gywir gan ystyried sensitifrwydd diwylliannol; cynnal cronfeydd data terminoleg; defnyddio cyfeirlyfrau arbenigol; prawfddarllen; ymchwil a meddalwedd cyfieithu.
Sylwch: Mae dysgwyr yn symud ymlaen i’r brentisiaeth uwch hon o nifer o lwybrau gwahanol oherwydd cefndiroedd amrywiol, profiadau academaidd yn y gorffennol a phrofiadau cysylltiedig â gwaith. Bydd llwybrau o’r fath wedi arwain at y canlynol:
• Cymwysterau Tystysgrif neu Ddiploma FfCCh ar Lefel 3 mewn iaith o’ch dewis
• Safon Uwch
• Diploma Estynedig
• Bagloriaeth Cymru, gan gynnwys gradd pasio yn y Craidd
• Gwaith mewn rolau cynorthwyol cyfieithu neu gyfieithu ar y pryd
Bydd gofyn i ddysgwyr ddiwallu gofynion mynediad y fframwaith er mwyn symud ymlaen i’r cwrs Prentisiaeth Uwch Lefel 4 mewn Ymarfer Cyfieithu.
Ar ôl cwblhau’r cymwysterau hyn, gall dysgwyr gwblhau dysgu ychwanegol er mwyn symud ymlaen i rolau uwch neu symud tuag at gydnabyddiaeth broffesiynol trwy astudiaethau fel:
• Cymhwyster proffesiynol Lefel 5 neu uwch mewn Cyfieithu ar y Pryd
• Cymwysterau seiliedig ar iaith neu gyfieithu ar y pryd mewn Sefydliad Addysg Uwch
• Cydnabyddiaeth broffesiynol drwy gymwysterau arbenigol yr Heddlu, gwasanaeth cyhoeddus.
*Prentisiaeth Uwch wedi’i hariannu’n llawn yw hon – yn amodol ar feini prawf cymhwystra
Ar gyfer cyflogwyr sydd am recriwtio Prentis Uwch dan Hyfforddiant mewn Ymarfer Cyfieithu. Gallwn gefnogi gyda chyngor ynglŷn â: swydd-ddisgrifiad, cyflogau, hysbysebu, recriwtio ac ati.
Mae’n gwrs delfrydol hefyd ar gyfer cyfieithwyr mwy profiadol a gellir ei ddefnyddio i uwchsgilio cyfieithwyr presennol a gwella eu cofnodion DPP. Bydd yr elfen wybodaeth o’r cymhwyster FfCCh/NVQ yn gofyn am rywfaint o ymchwil i arferion cyfieithu cyffredinol a bydd angen myfyrio ar arferion presennol y gweithle yn ystod y cwrs. Yn ogystal, bydd yn rhoi cyfle i gyfieithwyr ddangos comisiynau gwaith sydd wedi cael eu gwneud.
Mae’r cwrs Prentisiaeth Uwch hwn yn gymwys ar gyfer Seremoni Graddio Flynyddol fawreddog Coleg Gŵyr Abertawe – cyfle gwych i ddathlu cyrhaeddiad llwyddiannus gyda chymheiriaid a theulu.
Cysylltwch ag Einir-Wyn Hawkins yng Ngholeg Gŵyr Abertawe i drefnu cyfarfod i drafod hyn ymhellach: Einir.hawkins@gcs.ac.uk neu 07800 614001.
01792 284400
This course is listed in the following training categories:
Related Courses
Quality
Quality teaching means quality results.
Cost
Competitive pricing and no VAT.
Choice
Extensive course portfolio with consultancy and bespoke options.
Book Now
Call us on: 01792 284400.
Customer Feedback
“The overall experience of working with GCS Training has been an extremely successful one and we hope to replicate this with future trainees. The apprenticeship programme has been a resounding success with all three successfully completing the course and more importantly using this knowledge and experience to move on to attain full time employment. The biggest impact the training had was on the confidence of individuals.
”
RCT Homes
Featured Course
Business Improvement Techniques (BIT) apprenticeships are available at Levels 2 and 3, and allow candidates to develop the skills and knowledge needed to create new business solutions for an organisation. Candidates will study a variety of Lean concepts, with the aim of improving a business' performance.
